Një bari është dëmtuar rëndë nga lëndët plasësë në vendin e quajtur “Hani” Subash në Gjirokastër.
Sipas burimeve zyrtare, Vitjon Lluka po ruante gjedhët kur u lëndua me lëndën plasëse.
Ai është transportuar me helikopter drejt Spitalit të Traumës në Tiranë.
“Më datë 25.02.2019, në vendin e quajtur “Hani” (kullotë) Subash, shtetasi V.LL, duke ruajtur gjedhët , dyshohet të jetë dëmtuar me lëndë plasëse, i cili është transportuar me helikopter drejt Spitalit të Traumës në Tiranë,”-njofton policia.
Policia po punon për zbardhjen e rrethanave të ngjarjes.
