Një sherr mes adoleshentëve ka përfunduar me plagosjen e njërit prej tyre në Durrës.
Dy nxënësit e një shkolle 9-vjeçare të Durrësit janë konfliktuar sot në mesditë dhe sherri ka degjeneruar në përdorimin e armëve të ftohta.
Një prej tyre është plagosur pranë shtyllës kurrizore dhe është dërguar në Qendrën Spitalore të Traumës ku ndodhet në terapi intensive.
Njoftimi i policisë:
Në Urgjencën e Spitalit Rajonal Durrës , ka shkuar shtetasi K.Ç., 14 vjeç, i dëmtuar me mjet prerës ( thikë), ku pas ndihmës së parë mjekësore u dërgua në Q.S.U.T, për mjekim më të specializuar. Policia menjëherë ka shkuar në vendngjarje dhe pas një pune të mirëorganizuar ka arritur të identifikojë dhe të arrestojë në flagrancë autorin e dyshuar të plagosjes, shtetasin S.K.,16 vjeç. Materialet i kaluan Prokurorisë pranë Gjykatës së Shkallës së Parë Durrës për shtetasin S.K., për veprën penale “Plagosja e rëndë me dashje ” parashikuar në nenin 88 i Kodit Penal.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
