Presidenti i Serbisë, Aleksandar Vuçiç, ka hedhur poshtë sot spekulimet e mediave gjermane për zgjidhjen e çështjes së Kosovës.
“Nuk ka harta, nuk ka asgjë, sepse ne nuk po bisedojmë”, ka deklaruar kreu serb.
“Çfarë 17 pika, nuk ka asnjë pikë,” u përgjigj Vuçiç, në pyetjen e gazetarëve për zërat rreth një plani që përmban 17 pika, që ka të bëjë me ndryshimin e kufijve.
“Ata që pretendojnë këtë, duan ta ndajnë Serbinë në 17 pjesë”, ka deklaruar Vuçiç.
Presidenti i Serbisë ka thënë më herët se shteti i tij nuk do të përfitojë gjithçka nga dialogu me Kosovën.
Por, ka thënë se ideja e tij është të mbrohet populli serb në Kosovë.
“Mos u merakosni, unë do të përkujdesem për popullin tonë në Kosovë, por nuk do të premtoj gjithçka, sepse të tjerët kanë premtuar dhe kaherë i kanë humbur të gjitha. Do t’i mbrojmë njerëzit tanë, por le të mendojmë për jetën”, tha ai.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
