VIDEO/Rrëzohen kamionët në urën e Milotit nga erërat e forta

Këto janë pamjet që vijnë nga ura e Milotit.

Dy automjete të tonazhit të rëndë janë rrëzuar në mes të rrugës, si pasojë e erërave të forta.

Ajo çka bëhet me dije është fakti se automjetet nuk kanë mundur të kalojnë anash rrugës për të lejuar kalimin, por kanë rënë në mes të rrugës, çka ka vështirësuar qarkullimin.

Sipas informacioneve, autostrada Milot-Lezhë sot është përfshirë nga një sërë aksidentesh ku disa kamionë të tonazhit të rëndë janë përmbysur për shkak të erës së fortë.

Erërat e forta kanë goditur gjithë vendin sot ndërsa janë pezulluar shumë udhëtime me traget për shkak dhe të valëve të forta.