Pas ngjarjes së ndodhur mbrëmjen e sotme në Durrës, ku një mjek roje në spitalin e këtij qyteti u dhunua nga dy persona, Policia ka dalë me një deklaratë zyrtare.
Policia bën me dije se personat që kanë goditur mjekun janë shoqëruar në Komisariat.
Deklarata e plotë e Policisë:
Durrës
Informacion Paraprak
Më datë 23.02.2019, rreth orës 19:30, në Urgjencën e Spitalit Rajonal Durrës, kanë shkuar shtetasit E.Sh., 33 vjeç dhe M.B., 38 vjeç, banues në Durrës, në gjendje të dehur ku janë konfliktuar dhe dyshohet se kanë goditur mjekun e Urgjencës.
Shërbimet e Policisë kanë shkuar menjëherë në Urgjencën e Spitalit dhe shoqëruan në Komisariat për veprime të mëtejshme dy shtetasit.
