Klubi i Vllaznisë është dekoruar me titullin e lartë “Nderi i Kombit” me rastin e 100-vjetorit të themelimit të saj.
Vetë Presidenti Ilir Meta ka zgjedhur të zhvillojë ceremoninë e vlerësimit në Shkodër. Meta tha se pranoi me kënaqësi propozimin e Kryetares së Bashkisë, Voltana Ademi për të vlerësuar këtë klub sportiv.
Vllaznia është klubi shqiptar i futbollit nga Shkodra i themeluar më 16 Shkurt 1919. Cilësohet si “Djepi i Futbollit Shqiptar” për faktin se eshte ekipi më i vjetër në Shqipëri. Më 1929 klubi ndryshon emrin dhe quhet Bashkimi Shkodran dhe në 1930 debuton në ligën kombëtare të Shqipërisë. Klubi rimerr emrin e vjetër më 1935. Emri i klubit do të ndryshojë edhe dy herë të tjera. Në 1950 klubi u quajt Shkodra. Ndërsa që nga viti 1958 e deri më sot në skenën e futbollit është i njohur nën emrin me të cilin u themelua, KS Vllaznia.
https://www.facebook.com/ilirmetazyrtar/videos/350615608885109/?notif_id=1550939001985619¬if_t=live_video
©Droni.al
