Një grup qytetarësh i kanë prerë rrugën kryeministrit Edi Rama në Gjirokastër, pasi ky i fundit pritet të zhvillojë një tur dyditor aty.
Një grup qytetarësh me në krye demokratin Tritan Shehu kanë bllokuar rrugën nacionale Tepelenë-Gjirokastër, ndërsa për të mbarëvajtur protestën dhe për të shmangur çdo incident ka dhe forca të shumta policie.
Ata ndodhen në rrugë për të mundësuar kalimin e Ramës me qëllim shmangien e përplasjeve.
Shehu nga ana tjetër u shpreh se kjo është një protestë kundër varfërisë.
”Kjo është një protestë kundër varfërisë, ne jemi këtu për të thënë Rama ik. I gjithë qarku i Gjirokastrës është i blinduar pasi ky njeri ka frikë nga qytetarët, përpiqet që të fshihet pas uniformave blu’‘ tha Shehu.
Më herët para se demokrati Basha të mbyllte protestënn e djeshme, njoftoi se do të ketë protesta në vende të ndryshme të Shqipërisë.
