Pas takimeve që kryedemokrati pati me përfaqësues të PPE në Vjenë ku u fol për situatën e vështirë, Basha do të rikthehet në Tiranë. Kthimi i tij konsiston në takimin që do të mbajë me kryesinë e Partisë Demokratike në orën 18:00.
Siç bëhet e ditur, në këtë mbledhje të kryesisë së PD-së, do të diskutohet për hapat e mëtejshëm që do të ndërmerren në lidhje me situatën në Shqipëri.
Një ditë më parë Basha dhe gjithë demokratët dorëzuan mandatet e deputetit duke u kthyer kështu në qytetarë të thjeshtë dhe afër popullit.
Basha njoftoi se protestat dhe ngritja qytetare do të vazhdojë, ndërsa ish-kryeministri Berisha më herët deklaroi se për zgjedhjet e ardhshme nuk do të pranojnë të marrin pjesë nëse Edi Rama është brenda tyre.
