Partia Demokratike ka mbledhur Kryesinë e partisë, me tre pika në rendin e ditës.
Burimet bëjnë me dije se pika e parë e rendit të ditës është aksioni politik pas dorëzimit tëmandateve.
Mësohet se krydemokrati Basha ka kërkuar që të bëhet ndërthurja e protestës me shpalosjen e alternativës.
“Grupi i punës që do të ngrihet për arsimin e lartë, do të jetë për çdo fushë kryesore, për pensionet, për shëndetësinë, për investimet, etj. Të nisim punën, sepse mund të jemi me zgjedhjet mbrapa dere. Nuk kemi pse të harxhojmë asnjë minutë”-tha Basha.
Po të njëjtat burime bëjnë me dije se pikë e dytë është ngritja e Shtabeve të Punës dhe pika e tretë është propozimi për shkarkimin nga funksionet dhe anëtarësia e Myslym Murrizit për shkeljen e vendimit të grupit parlamentar, Kryesisë dhe Këshillit Kombëtar të PD.
Deputeti demokrat Murrizi nuk ka dorëzuar ende mandatin siç vepruan kolegët e tij me në krye kryetarin e partisë Basha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
