Vendimi i Lulzim Bashës dhe opozitës për të djegur mandatet ka sjellë dhe shqetësimin e ndërkombëtarëve të cilët janë në Shqipëri.
Mësohet se dy ambasadorët në vendin tonë janë në një takim më kreun e PD, Lulzim Bashën.
Bëhet fjalë për ambasadoren e Gjermanisë, Susanne Schutz dhe ambasadorin e BE-së Luigi Soreca.
Takimi mes tyre me dyer të mbyllura vjen dy ditë pas vendimit të PD dhe opozitës së bashkuar për djegien e mandateve, si mesazh i ardhur nga protesta e 16 shkurtit.
Ndërkohë, pasditen e sotme, rreth orës 18.00 është parashikuar të mbahet Këshilli Kombëtar, i cili është hapi i fundit për vendimin përfundimtar të djegies së mandateve.
Kryedemokrati Basha shtoi se djegia e mandateve nuk është një qëllim në vetvete, por fillimi i një sfide e cila synon të garantojë një qeveri për njerëzit, e jo për krimin.
