VIDEO/’Mora mesazhin tuaj’, Basha-qytetarëve: Do djegim mandatet

Kryetari i  Partisë Demokratike Lulzim Basha në një deklaratë për mediat ka shprehur mirënjohjen e thellë për të gjithë qytetarët protestues të cilët sipas tij i dhanë goditjen më të madhe qeverisë.

Basha tha se qytetarët i dhanë mesazhin më të rëndësishëm, që kështu nuk vazhdohet dhe që gjërat duhet të ndryshojnë.

Basha sërish ofroi një zgjidhje politike për situatën e krijuar. SIpas tij, duhet të ketë zgjedhje të parakohshme dhe qeveri tranzitore e zgjedhur me votat e qytetarëve dhe jo të bandave.

Kreu i PD-së Lulzim Basha tha se do i propozojë grupit parlamentar djegien e mandatave të deputetëve si një mesazh i qartë i ardhur dje nga protesta e opozitës.

Ndaj unë jam sot këtu për tju thënë me përgjegjësi të plotë se e kam lexuar vullnetin tuaj. Ndaj kam vendosur t’i propozoj grupit parlamentar dhe forumeve më të larta politike djegien e mandateve të deputeteve tanë”, deklaroi kreu i PD.

/DRONI.al/