Deputeti i Dibrës Xhemal Gjunkshi është i pari deputet i cili reagoi pas propozimit të Bashës për të djegur mandatet.
Ai ka mbështetur propozimin e Bashës për djegien e mandateve. Sipas tij, kjo ishte një lëvizje e ardhur në kohën e duhur, për mbrojtjen e demokracisë në Shqipëri.
Kujtojmë se kreu i PD, Lulzim Basha deklaroi se do t’i propozojë Grupit Parlamentar të PD dhe organeve më të larta vendimmarrëse për djegien e mandateve si mesazh i qartë i ardhur nga protesta e djeshme.
Reagimi:
Si Deputet , si përfaqësues i popullit të Dibrës mbështes vendimin e grupit parlamentar të Partisë Demokratike dhe Kryetarit z.Lulzim Basha për djegien e mandateve.
Kjo ishte një lëvizje e menduar dhe e ardhur në kohën e duhur, për mbrojtjen e demokracisë në Shqipëri.
Demokracia në rrezik !
Ne nuk mund të bëhemi fasadë , në ndërtimin e një autokracie .
Ne nuk mund të jemi pjesë e një parlamenti të mbushur me kriminelë.
Ne nuk do të lejojmë ndërtimin e një neo/diktature.
