Deputeti i Partisë Demokratike, Agron Shehaj përmes një statusi në Facebook ka komentuar protestën e sotme të opozitës. Ai e cilëson protestën e sotme si fillimin e përpjekjeve për të kthyer demokracinë, drejtësinë dhe mirëqeverisjen.
POSTIMI I SHEHAJ:
Dhjetëra mijëra njerëz, të të gjitha moshave, nga të gjitha grupet, nga të gjitha qytetet e fshatrat u mblodhën sot në Tiranë të bashkuar kundër një qeverie të inkriminuar e të korruptuar, e cila ka tradhtuar popullin e saj. Ishte një shpalosje e jashtëzakonshme e besimit dhe vullnetit për ta larguar këtë qeveri anti-kombëtare dhe anti-popullore. Ishte vetëm fillimi i përpjekjes sonë për të kthyer demokracinë, drejtësinë dhe mirëqeverisjen. E ardhmja është e shqiptarëve që e duan vendin e tyre dhe jo e hajdutëve dhe tradhtarëve.
