‘Asnjë prej protestuesve nuk erdhi për dhunë’, Basha sqaron: Skenar i mirëmenduar nga Rama

Lideri i Partisë Demokratike, Lulzim Basja ka deklaruar se ka patur një skenar të mirëmenduar nga Edi Rama për të çuar në dhunë dhe konfrontim.

Lideri demokrat, i cili po qëndron akoma me protestuesit në shesh, i bën thirrje të gjithëve të qëndrojnë të bashkuar për të drejtat e tyre.

”Kjo është qartësisht pjesë e një plani për të provokuar futjen e protestuesve në selinë e Kryeministrisë, sepse në asnjë rast policia dhe gardhi policor, edhe kur kanë presion shumë më të madh, nuk hapet në këtë mënyrë. Pra ka patur një skenar të mirëmenduar madje të paralajmëruar nga Edi Rama për të çuar në dhunë dhe konfrontim.Në qëndrojmë në krah të tyre dhe do të vazhdojmë të qëndrojmë në krah të qytetarëve deri në fund”, tha Basha.

Basha se qytetarët janë thirrur nga opozita me një qëllim të qartë politik.

”Qeveri tranzitore, zgjedhje të parakohshme, t’i japim fund qeverisë, që është kapur në vjedhje tek Unaza, tek Teatri, është kapur në vjedhje të votave, siç BIRN dhe Zëri i Amerikës që, në fakt, kanë meritat, por edhe ju si gazetare investigative (Klodiana Lala), demonstroni përmes fakteve të prokurorisë dhe sistemit të drejtësisë në çdo vend të Europës, kur qeveria kapet në vjedhje, ikën qeveria dhe shkon në burg hajdutët, nuk vuan populli. Populli e ka kuptuar këtë dhe është bashkuar në një protestë më të madhen në këto 30 vite.Asnjë protestues nuk erdhi për të bërë akte dhune, sqaroi Basha.

Basha ka theksuar se asnjë nuk erdhi me qëllime dhune.

”Ju e dini fare mirë se si organizohen protestat e dhunshme. Asnjë prej protestuesve këtu nuk erdhi për të kryer akte dhune. Ato u provokuan dhe u nxitën  nga një skenar i mirëmenduar i Edi Ramës dhe i ekzekutuar nga një grusht policësh të korruptuar dhe të lidhur me krimin.U bëj thirrje të gjithë efektivëve të policisë të ruajnë qetësinë sikundë, u bëj thirrje qytetarëve të vazhdojnë të rrinë të bashkuar për të drejtat e tyre” tha në fjalën e tij Basha.

/DRONI.al/