Pasi dyshohet se ka tentuar të vrsite një oficer policie, paraditen e sotme para Gjyktës rajonale të Krefeldit në Gjermani, është paraqitur një shtetas kosovar 33-vjeçar.
Sipas aktakuzës, kosovari pa vendbanim të përhershëm në Gjermani, gjatë kontrollit ishte identifikuar me një kartë identiteti të falsifikuar, shkruajnë mediat gjermane. Kur zyrtarët i thanë atij se duhej të shkonte në stacionin policor, ai kishte bërë rezistencë masive.
Më pas, ai ia vuri një rrip të çantës rreth qafe një polici. Për rreth 30 sekonda, ai pothuajse e mbyti policin, derisa ai nuk arriti të lirohej nga situata me ndihmën e shufrës së tij, shkruan Shtegu.com. Prokuroria e vlerëson këtë si një vrasje në tentativë.
Përveç kësaj, të dy policët gjatë përleshjes pësuan gërvishtje, plagë dhe prerje në trupat e tyre. Sipas gjykatës, deri në kohën e aktakuzës, i akuzuari kishte heshtur për akuzat.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
