Kreu i Shtetit Ilir Meta ka komentuar zhvillimet e fundit në vend, ku është ndalur tek rrëzimet e kandidaturave të tij për kreun e Këshillit të Lartë të Shtetit dhe vendimin për heqjen e dënimit burg përjetë për Dritan Dajtin.
Sipas tij, asnjë prej propozimeve për KLSH, nuk ka pasur si qëllim të forcojnë shumicat, ndërsa nuk ka thënë asgjë dhe për emrin e Anastas Angjelit.
“Unë jam i bindur se të gjitha propozimet e presidentit synojnë forcimin e institucioneve të pavarura, sundimin e forcimit të ligjit, dhe jo forcimin e shumicave”, është shprehur Meta.
Ndërsa për Dritan Dajtin, Meta kërkon angazhimin e Këshillit të Lartë Gjyqësor dhe Prokurorisë për të hetuar vendimin që i anulon dënimin me burg për jetë.
“KLGJ dhe Prokuroria e Përgjithshem të vihen në lëvizje për të vlerësuar dhe hetuar çështjen në fjalë “tha Meta.
