Për pak çaste familjarët e kësaj zonje përjetuan panik. Kjo pasi gruaja kërcënoi se do të hidhej nga kati i tetë i pallatit në zonën e Pazarit të Ri në Tiranë.
Sipas informacioneve, shkak për këtë është bërë një vendim i Përmbarimit që e detyron të largohet nga banesa.
Djali i saj, Tajar Trroka ka sqaruar se ata janë në një proces gjyqësor me bankën, por ndërkohë më 28 janar janë njohur nga përmbarimi me vendimin se duhet të lirojnë banesën.
Sipas të birit ato po presin një vendimin nga gjykata për këtë çështje.
Aktualisht me bankën janë ende në proces gjyqësor dhe familja kërkon që ekzekutimi i vendimit të përmbarimit të mos bëhet tani pasi më 14 shkurt është seanca gjyqësore.
