Një aksident rrugor ka ndodhur sot në qytetin e Elbasanit. Nga të dhënat e para raportohet se tre mjete janë përfshirë në aksident në unazën e qytetit pranë vendit të quajtur si “Kryqëzimi i Kinezëve”.
Të plagosurit janë dërguar menjëherë në spital dhe sipas mjekëve deri tani nuk kanë paraqitur rrezik për jetën.
Policia në njoftimin e saj sqaron se aksidenti ka ndodhur në Unazë e qytetit te Kryqëzimi i Kinezëve. Janë përplasur 3 mjete, si pasojë e aksidentit janë dëmtuar 2 pasagjer të cilët janë transportuar në Spitalin e Elbasanit, jashtë rrezikut për jetën. .
Grupi hetimor ndodhet në vendngjarje dhe po punon për zbardhjen e rrethanave të aksidentit.
