Vetëm disa ditë para protestës së madhe të 16 Shkurtit, protestat kanë shpërthyer në të gjithë vendin.
Pas marshimit të qytetarëve në Vlorë dhe në Paskuqan ditën e djeshme, dhe ata të qytetit të Korçës kanë dalë në protestë ditën e sotme.
Qytetarët e Korçës dhe zonave përreth, protestojnë në qëndër të qytetit dhe në sheshin përpara bashkisë. Në fokus të protestës së tyre është shqetësimi për gjendjen ekonomike, për shkak se gjendja ekonomike e popullsisë është gjithnjë e më në rrënim dhe nuk ka konsum.
Për pasojë, shumë prej banorëve të zonave përreth thonë se janë të detyruar ti hedhin prodhimet bujqësore, ndërsa qeveria i ka lënë jashtë çdo skeme subvensioni.
Në mungesë të subvencioneve, mallrat e importit janë duke e falimentuar fermerin dhe biznesin shqiptar. Qytetarët që i janë përgjigjur thirrjes së opozitës, po marshojnë në rrugët e qytetit, duke hedhur parulla kundër qeverisë dhe bashkisë së Korçës./DRONI.al
https://www.facebook.com/salianjiervin/videos/1674140296019259/UzpfSTYwNTQxMjU0OTA4OjEwMTU2OTU5ODkyNzk0OTA5/
