Deputetja e PD Jorida Tabaku ka vijuar dhe ditën e sotme me vizitat në bizneset kryesore në kryeqytet për t’u njohur më afër me situatën ekonomike të tyre.
Deputetja ka treguar se çfarë ka biseduar me pronarët dhe shitësit duke evidentuar problemin kryesor sipas saj mungesës së xhiros.
Tabaku nënvizon rritjen e çmimeve si dhe rritjen e taksave. Deputetja ka ftuar të gjithë të protestojnë në 16 shkurt për ti dhënë fund borxheve dhe listës së gjatë të gjobave që marrin përditë.
REAGIMI I TABAKUT
Ndërsa vizitoja bizneset pranë rrugës së Kavajës dhe në zonën e “tregut çam” dëgjoja përherë të njëjtin shqetësim “Nuk ka njerëz, nuk ka xhiro, nuk ka shitje”. Të dëgjosh këtë shqetësim edhe në një nga zonat më të populluara dhe frekuentuara në qytet dhe të jetë refreni i mungesës “xhiros” së ngjashëm si tek shitësit e fruta perimeve ashtu edhe tek tregtarët e veshjeve është shqetësuese.
Qytetarët prej vitesh janë në kllapinë e frikshme të mos shpenzimeve, të uljes së kursimeve dhe rritjes së çmimeve ndërsa pagat bien. E vetmja rrugë që mund t’i japë hov kësaj sjellje është ajo e uljes së taksave dhe tatimeve ashtu që qytetarët të kenë më shumë për të shpenzuar më shumë. Alarmi që po kumbon gjithnjë e më fortë nga qytetarët dhe shitësit nuk po dëgjohet aspak nga një qeveri e mbyllur në dhomën e koncesioneve, ajo mendon të rrisë taksat për t’i mbytur shqiptarët me to ndërsa gjen në buxhetin e shtetit edhe gramën e fundit për ta koncesionuar.
Në 16 shkurt sipërmarrësit që janë të mbytur nga dhuna e vazhdueshme e taksidarëve, taksat e larta të qeverisë e që përditë shohin se si të ardhurat e tyre bien janë të ftuar në protestë. Për të gjithë ishte dhe është e patoletuershme që miliona euro të shpenzohen për koncesione ndërsa biznesi taksohet dhe mbyllet.
Duhet të luftojmë së bashku për të ndërtuar një qeverisje që është në funksion të qytetarëve, që siguron dhe garanton tregun e lirë dhe mirëqenien. Data 16 shkurt është preludi i kësaj qeverie, dita në të cilën bizneset e mbytura në lista borxhesh dhe gjoba tatimorësh duhet të bashkohen në protestën kundër monopoleve, taksave të larta dhe oligarkisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
