Gjykata e Apelit për Krime të Rënda ka rrëzuar dënimin me burgim të përjetshëm të Dritan Dajtit. Dajti është i akuzuar për vrasjen e katër efektivëve të policisë në vitin 2009 në Durrës.
Apeli i Krimeve ka pranuar kërkesën e Dritan Dajtit për gjykim të shkurtuar, duke e dënuar atë përfundimisht me 25 vite burg.
Dajti u dënua përjetë në korrik 2014. Vendimi u prish nga Apeli, i cili e ktheu dosjen për rigjykim.
Dritan Dajti u prangos në vitin 2009 dhe u vu nën akuzë për veprën “Vrasje në rrethana të tjera cilësuese”, kryer ndaj punonjësve të policisë Fatos Xhani, Sajmir Duçkollari, Altin Dizdari, Kastriot Feskaj, por këto akuza ai i mohoi duke deklaruar se qëlloi me armë për t’u vetëmbrojtur pa e ditur se ata ishin policë.
