Përgjegjësi i departamentit të Gazetarisë dhe pedagogu Mark Marku ka reaguar menjëherë pas ndërhyrjes së policisë ditën e sotme në Fakultetin e Historisë dhe Filologjisë.
Marku dënon ardhjen e policisë në ambjentet e fakultetit, ndërsa shprehet se do të ndiqet ky rast deri në gjykatë. Për mediat ai akuzoi Ministrin Sandër Lleshaj se po përdor policinë për të kërcënuar pedagogë e studentë.
”Sjell policë për të kërcënuar studentë dhe pedagogë. Bashkë me imazhin e qeverisë , këta po shkatërrojnë çdo strukturë shtetërore. I kemi filmuar të gjitha. Do ta çojmë rastin në gjykatë dhe te Avokati i Popullit. Ministri Lleshaj ka bërë një deklaratë dje që ju përgenjështrua sot. Ata janë komplet pa moral, nuk e di ku ka ikur morali i tyre. Asnjë thirrje. E vetmja thirrje ndaj tyre është të mos bëjnë budalliqe se nuk frikësohemi, tha Marku.
Më poshtë janë pamjet kur pedagogu i filmon vetë policët për tu regjistruar fytyrat.
