Eriol Roshi, kryetar i Gjykatës Administrative Tiranë ka kaluar Vetingun dhe është konfirmuar në detyrë. Vendimi u dha nga trupi gjykues i përbërë nga: Genta Tafa Bungo, Lulzim Hamitaj, Valbona Sanxhaktari.
Nga verifikimet nuk u gjetën pasuri të fshehura. Nga analiza e të dhënave, të dorëzuara në ILDKPI, rezultoi se: Subjekti zotëron apartament me sipërfaqe 110 metra katror. Burimi për këtë apartament ka qenë një kredi bankare në BKT, në proces shlyerje nga ana e gjyqtarit.
Për apartamentin 110 m2, nga analiza e bërë nga KPK është parë që ka patur të ardhura të mjaftueshme.
Ndërkohë që familja e gjyqtarit ka porositur dhe një apartament tjetër në ndërtim në vitin 2006, të ardhurat për të cilin janë siguruar nga i ati i Roshit, i cili ka veprimtari shitje me pakicë.
Gjyqtari ka deklaruar një makinë Benz, e blerë në 2014 me vlerë 6 mijë euro me lekë të bashkëshortes, ndërsa një makinë tjetër është blerë në 2010, me kursime të tij dhe të babait.
Subjekti tregtar i babait të gjyqtarit ka qenë i figuruar në QKB, i regjistruar.
DSIK në përfundim ka konstatuar përshtatshmëri për vijim të punës. KPK asnjë kundërshti në këtë pikë.
Sa i përket aftësive profesionale është konkluduar se Roshi ka arsyetim ligjor, proceset gjysore të tij kanë qenë të pastra.
