Presidenti i Federatës Shqiptare të Futbollit, Armand Duka, është zgjedhur anëtar i komitetit Ekzekutiv të UEFA-s. Presidenti Duka ka arritur të zgjidhet në Komitetin Ekzekutiv të UEFA-s me 36 vota, duke marrë besimin e delegatëve të shumë federatave të mëdha europiane për një mandat 4 vjeçar.
Kongresi i 43-të të UEFA-s po zhvillohet në Romë.
Kujtojmë se ky është kandidimi i dytë i presidentit të Federatës Shqiptare të Futbollit. Në prillin e 2017-ës numri një i qeverisë sonë të futbollit mori 25 vota.
Ndërkohë që ditën e sotme, arriti të mposhtë konkurencën e madhe për të siguruar vendin në institucionet që drejtojnë futbollin në kontinent.
