Kryetari i PD, Lulzim Basha ishte sot në mbështetje të protestës që preken nga projekti i Unazës së Madhe. Ai i ftoi ata dhe gjithë qytetarët e tjerë që ti bashkohen protestës së 16 shkurtit.
Sipas Bashës Rama ka afat deri në 15 shkurt, që ti japë zgjidhje krizës me largimin e tij.
Basha: Deri në 15 shkurt Edi Rama ka kohë ti japë zgjidhje politike krizës duke u larguar vetë. Më 16 shkurt koha për fjalë ka mbaruar do të dëgjohet vetëm zëri juaj. Do të veprojë vetëm vullneti juaj dhe vullneti i qytetarëve.
Kryedemokrati Basha kërkoi zgjedhje të parakohshme dhe qeveri tranzitore, ose në të kundër pas 16 shkurtit fjalën do ta kenë vetëm qytetarët.
Basha: Asgjë tjetër përveç zërit dhe vullnetit tuaj nuk do të kumbojë e veprojë prej 16 shkurtit. Deri në 15 shkurt të largohet nga karrigia që i kanë falur kriminalët, ti hapë rrugë zgjidhjes politike, qeveri transitore, zgjedhje të parakohshme, parlament të qytetarëve, qeveri të qytetarëve. Përndryshe prej 16 shkurtit e tutje ka vetëm një forcë që vendos, forca e qytetarit të bashkuar. Në 16 shkurt mbarojnë fjalët, mbaron koha për fjalët e politikës dhe është koha e zërit të qytetarëve të bashkuar.
https://www.facebook.com/partiademokratike/videos/2194780170837822/
