Askush nuk ka dëgjuar më për ‘Air Albania’ ndërsa sjellim ndërmend vetëm reklamën e madhe që iu bë në fillim me udhëtimet në Stamboll.
Projekti i ‘Air Albania’ u prezantua nga kryeministri Edi Rama. Ndërkohë sot mund të themi se ka dështuar.
Për këtë gjë i referohemi faqes ‘Ch-aviation’ që njofton se “planet për Air Albania janë lënë në harresë ndërkohë që avioni i është i rikthyer Turqisë.”
E krijuar në vitin 1998, Ch-aviation ofron informacione për çështjet e aviacionit në nivel global.
Sipas kësaj media, avioni i dhuruar nga ‘Turkish Airlines’, të cilin kryeministri Rama e pagëzoi me emrin ‘Lasgushi’, në nder të poetit të madh Lasgush Poradeci, tashmë i është rikthyer kompanisë turke, pasi kompania ‘Air Albania’ nuk ekziston dhe projekti është lënë në harresë.
