3000 euro të dyshuara të falsifikuara janë sekuestruar në Fier gjatë operacionit “Kartmonedha”, ndërsa në pranga kanë rënë katër persona.
Sipas policisë, operacioni u krye nga DVP Fier në bashkëpunim me DVP Gjirokastër.Si rezultat i operacionit u arrestuan në flagrancë shtetasit G.F, 26 vjeç, A.Sh, 35 vjeç, E.G, 31 vjeçe dhe E.Z, 34 vjeç, banues në Memaliaj, Tepelenë.
Arresimi i tyre u bë në vendin e quajtur “Rreth rrotullimi i parkut” në Fier.
Gjatë kontrollit të ushtruar nga policia në mjetin tip “Volkswagen” me të cilin po udhëtonin, u janë gjetur dhe sekuestruar një sasi prej 6 kartmonedhash me vlerë 3000 euro, me të njëjtin numër serie të cilat dyshohen se janë të falsifikuara.
Materialet i kaluan Prokurorisë pranë Gjykatës së Shkallës së Parë Fier për hetim të metejshëm në ngarkim të shtetasve të mësipërm për veprën penale “Falsifikimi i monedhave i kryer në bashkëpunim”.
