Ditën e sotme, pedagogët e UT, u mblodhën në takimin e radhës së Asamblesë, nga ku morën disa vendime.
Burime nga takimi bëjnë me dije se është kërkuar të themelohet një sindikatë për të mbrojtur pedagogët.
Duke rikonfirmuar vendimet e mbledhjes së parë, në përfundim janë këto 6 vendime që pedagogët kanë marrë ditën e sotme:
Vendimet
-Rikonfirmimi i kërkesave të bëra më herët
-U bëjmë thirrje të gjitha asambleve që të mbajnë një qëndrim për ligjin e arsimit të lartë, dhe u kërkojmë që të bashkohen me vendimin e asambleve që janë për grevë.
-I kërkojmë të gjitha autoriteteve të mbajnë qëndrim konseguent për ligjin e arsimit të lartë në përputhje me vendimet e asambleve (Senatit, Rektorit)
-Ftojmë trupën akademike që te kontribuojnë dhe të kenë një angazhim sindikalist.
-Ngritja e një grupi pune për ligjin e Arsimit të Lartë (që të diskutohen gabimet dhe si mund të bëhen) Grupi i punës të bëjë një dokument me oponencë për ligjin.
-Kërkojmë debat me komisionin e Edukimit dhe të Mediave për ligjin e Arsimit të Lartë.
Kujtojmë se pedagogët e Shkencave Sociale kanël hyrë në grevë pa afat, ndërsa disa departamente të fakulteteve të UT vijojnë bojkotin.
