VIDEO/Përplasjet, Berisha-Ramës: Fundërrinë që u merr shokëve gruan

Seanca e sotme parlamentare është shoqëruar me debate dhe replika të forta. Opozita është rikthyer më e fortë se kurrë, ndërsa nuk kanë munguar as akuzat mes kryeminsitrit Edi Rama dhe ish-kryeministrit Berisha.

Fillimisht ka qenë ish kryeministri Sali Berisha ai që ka akuzuar Ramën se gruaja e tij është aksionere në një bankë në vend.

Por më pas Rama u shpreh se gruas dhe familjes së tij Berisha u ha ato që nuk thuhen. Ish kryeministri reagoi sërish duke thënë se Rama është fundërrinë që u merr shokëve gruan.

Më vonë, Rama akuzoi ish-kryeministrin se nuk i lejohej të udhëtonte në Amerikë.

Në 10-minutëshin e pushimit, ish-kryeministri Sali Berisha ka folur sërish për deklaratën e kryeministrit Edi Rama i cili tha se Berisha nuk mund të kalojë dot oqeanin dhe të shkojë në SHBA.

Jashtë parlamentit, Berisha iu përgjigj për akuzën e fortë të Ramës por edhe për investigimin e Zërit të Amerikës për blerjen e votave dhe bashkëpunimin e zyrtarëve të PS me emra të botës së krimit.

“Na foli për moral, shkoni hapni arkivat tuaja dhe gjeni debatin e tij me Besnik Mustafaj ku i thotë’ tre parimet e mia janë të shenjta, nuk vjedh, nuk vras dhe nuk marr gruan e shokut’. Edhe vjedh, edhe vret dhe merr gruan e shokut”, tha Berisha.

Kryeministri Rama e konsideroi VOA-n kazan për herë të dytë…
Zoti Rama është në përpëlitje sepse po demaskohet çdo ditë e më shumë. E vetmja fije shprese e tij është se po skadojnë transaksionet me trojet shqiptare.

Zgjedhje me Edi Ramën nuk ka. Opozita do e parandalojë sepse zgjedhje me Edi Ramën nuk ka. Rrëzimi i Edi Ramës.
Kjo përpjekje e opozitës nuk është të vijë në pushtet me forcë pro të vijë në pushtet me votë.

/DRONI.al/