Protesta e 16 shkurtit po projektohet për të qenë shumë e madhe në numër, porse pikësëpari e fortë në rezistencë ndaj kryeministri Rama. Lulzim Basha dhe Monika Kryemadhi, natyrisht me kryetarët e partive aleate, kanë një skenar për ta rrëzuar kryeministrin, natyrisht me forcën e popullit.
Palët po përgatiten seriozisht.
Basha dhe Kryemadhi po shkojnë rreth me rreth dhe në çdo familje shqiptare që t’i ftojnë për me datë 16 shkurt. Bile Basha sot në Kamëz iu lut banorëve të revoltuar me qeverisjen, se duhet të vini patjetër me 16 shkurt.
Pra opozita e ka ndarë mendjen se me protestën e 16 shkurtit, e cila fillon, por nuk mbaron atë ditë, do të detyrojë kryeministrin Rama të pranojë zgjidhjen politike të krizës, duke shkuar në një qeveri tjetër, po e quajmë Qeveri Provizore ose Qeveri e Integrimit. Por fakti që kryeministri ka shpallur emergjencën në polici, ku po përgatiten mijëra trupa policie që do të jenë në Tiranë e ku do të mobilizohen edhe trupat e ushtrisë (jashtë ligjit), tregon se edhe ai e ka marrë seriozisht. Nuk do të jap dorëheqjen në mënyrë të vendosur.
Fakti që opozita po bën thirrje përditë, duke frymëzuar protestuesit se “hajdeni me 16 shkurt pasi do ta përmbysim kryeministrin”, do të thotë se nuk do të ikin pasi fjalimit të Bashës. Nëse Basha dhe Kryemadhi i kërkojnë për “përballje”, kjo nuk do të thotë që të vijnë nga ana e anës dhe të dëgjojnë Lulin e Monën se si sulmojnë qeverinë dhe më pas të shpërndahen për në shtëpi.
Populli po u zhgënjye me datë 16 shkurt, nuk vjen më!
Nëse kanë në plan të detyrojnë kryeministrin të jap dorëheqjen, ai nuk pyet për fjalime, akuza, batuta apo silurime. Ai njeh forcën e popullit dhe aty Rama i ndalon “kovat me zift” që shprehet se do ti hedhë mbi kokat e “artistit” dhe “doktoreshës”.
“Zifti” do shpirt e trimëri ta hedhësh. Edi Rama nuk e ka këtë forcë që të përballet. Ai e di se përballë turmës së egërsuar dhe që i ka ardhur shpirti në majë të hundës, nuk ka polici që e mbron. Natyrisht që opozita nuk duhet të provokojë për sherr ditën e protestës. Por ajo ka të drejtë ta rrethojë kryeministrinë me trupa njerëzore, paqësisht, duke mos e lenë kryeministrin dhe qeverinë të futet në kryeministri derisa të gjendet formula e një qeverie për integrimin dhe zgjidhjen e krizës.
Në Paris kemi parë keq e më keq, por kurrsesi nuk themi se duhet dhe në Tiranë.
Në asnjë mënyrë!
Nëse policia konfrontohet apo godet protestuesit të cilët kanë të drejtën e tyre legjitime ta rrethojnë kryeministrinë, atëhere nuk dihet përfundimi.
Në fund të fundit, jo si në Paris!
