Moti i keq, këto janë të vetmet akse rrugore ku duhet të përdorni zinxhirët

Situata me motin,ndonëse është përmirësuar ndjeshëm, vazhdon të jetë problematike në disa qarqe dhe akse kryesore.

Autoriteti Rrugor Shqiptar, me anë të një njoftimi të shkurtër, ka dhënë informacione lidhur me gjendjen aktuale të akseve.

NJOFTIMI 

Të gjitha rrugët kryesore të vendit janë të hapura dhe qarkullimi kryhet normalisht. Kompanitë e mirëmbajtjes janë në gatishmëri dhe po punojnë për pastrimin dhe zgjerimin e rrugëve, si dhe shpërndarjen e kripës në segmentet ku ka pasur prezencë ngricash.

Në rajonin Jugor qarkullimi bëhet me zinxhir vetëm në:
K/Boboshticë-Dardhë, në 2 km e fundit, për shkak të ngricave dhe për veçoritë që ka rruga.