I ftuar së fundmi në emisionin e pasdites “Rudina” me moderatoren e njohur Rudina Magjistari, ishte i riu Edlir Reka, i prezantuar si piktor dhe me synimin të bëhej aktor.
Mirëpo, menjëherë pasi është shfaqur në ekran, në profilin e Rudinës në Instagram kanë vërshuar komentet e ndjekësve, të cilët e akuzonin Rekën si mashtrues, pasi vidhte pikturat dhe madje nuk kishte fituar çmime në konkurse të rëndësishme.
Pas komenteve të shumta, vetë Rudina Magjistari i dedikoi një status në Instastory, ku e demaskonte të riun dhe i bënte thirrje të kërkonte falje për veprimin e tij.
“Jo Edlir! Kjo këtu në Instagram është e para herë që ti pranon se piktura jote është NJË KOPJE, me të cilën pretendon se ke fituar në Moske e krenohesh nëpër programe televizive se ajo qëndron e varur në Muzeun e Artit Modern atje. Nëse do ta dja më parë, sigurisht që s’mund të kishe qenë i ftuari im. prisja të kërkoje ndjesë në këtë postim tëndin e jo të vazhdoje akoma me mashtrime.”- ka shkruar Rudina, duke publikuar më pas edhe pikturën e vjedhur prej tij.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
