Duke listuar problemet sociale dhe ekonomike të vendit tonë, deputetja Albana Vokshi deklaron se kryeministri Edi Rama nuk po kryen detyrën e tij për ti shërbyer vendit.
Në një deklaratë për mediat, nga selia blu, deputetja thotë se Rama nuk do t’ia dijë për problemet e vendit të tij, ndërkohë që hap një tjetër ekspozitë në Berlin.
Deputetja i referohet ligjit për parandalimin e konfliktit të interesit, në ushtrimin e funksioneve publike, ku sipas saj, përcaktohet qartë që kryeministri nuk mund të ushtrojë veprimtare private që krijon të ardhura si person fizik tregtar.
‘Duke shitur krijimtarinë e tij artistike dhe duke krijuar të ardhura që i ka deklaruar 79 milionë, Rama ka vepruar si një person fizik tregtar. Kjo përbën haptazi papajtueshmëri me funksionin e kryeministrit dhe shkel kushtetutën e Shqipërisë. Kuvendi i Shqipërisë duhet të mos sillet si vegël e Ramës, por duhet të konstatojë papajtueshmërinë me funksionin e kryeministrit dhe deputetit dhe të deklarojë mbarimin e mandatit të deputetit Rama sipas neneve të Kushtetutës’, sqaron deputetja.
https://www.facebook.com/partiademokratike/videos/632567553879912/
