Ministri i Brendshëm i Spanjës ka njoftuar nisjen e hetimeve për rastin tragjik të vogëlushit Julen.
Policia do të hetojë se si Julen dyvjeçar ra në pusin 72 metra në Totalan. Kujtojmë se punonjësit e shpëtimit gjetën trupin e foshnjës këtë mëngjes.
Fernando Grande-Marlaska pohoi se policia nuk kishte nxjerrë ende ndonjë përfunim, por do të kryejë hetimet sa më shpejt.
Ai shtoi: “Nuk kam të dhëna për raportin paraprak të autopsisë. nuk e di nëse ujësjellësi ishte ligjor apo jo, do të jetë lëndë e hetimit përkatës”.
Marlaska u tha medias: “Puna më e rëndësishme deri më tani ka qenë shpëtimi i Julenit”.
Ai shtoi: “Puna e Guardia Civile nuk ka përfunduar, sepse tani po kryen punën e saj hetimore për të gjetur rrethanat në të cilat ndodhi kjo ngjarje tragjike”.
Politikan gjithashtu përmendi prindërit e Julen, Vicky Garcia dhe Jose Rosello, duke thënë, “Le të vazhdojmë të mbrojmë familjen Julen në dhimbjen e tyre të madhe”.
Marlaska shprehu mirënjohjen ndaj rreth 300 punëtorëve që ndihmuan në operacionin për të arritur Julen, duke thënë, “Ndihem krenar dhe mirënjohës për solidaritetin e treguar nga banorët dhe profesionistët”.
Gjithashtu duke folur për mediat, bashkia e Totalan njoftoi tri ditë zije zyrtare në të gjithë komunën ku ndodhi incidenti.
PAMJET E OPERACIONIT PËR NXJERRJEN E TRUPIT
