Sekretari për Çështjet Ligjore, Çlirim Gjata, nga selia blu ka folur rreth prokurores Donika Prela duke iu referuar dosjes së saj në Vetting.
Gjata ndalet tek shkeljet e saj duke kërkuar që të mbahet i njëjti standard nga KPK si me të gjithë prokurorët dhe gjyqtarët që janë përballur në seancat e kaluara.
Konkretisht, Gjata flet për apartamentin e saj të blerë në Durrës, vlerë e cila është më e ulët se ajo e tregut dhe tek një kompani, ku administratori i së cilës është në hetim për vepër penale.
Gjata pyet pse ndodh kjo ulje çmimi për këtë prokurore në këto kushte dhe a hetohet këtu për pastrim parash. Gjata thotë se organi i vetingut duhet të hetojë këto çëshjte të dyshimta për Donika Prelën.
Gjata flet dhe për padinë që bashkëshorti i saj ngre ndaj kompanisë në të cilën ai ka punuar si inxhinier, ku padia është hapur 7 vjet pasi ai është larguar nga kompania, gjë të cilën juristi e cilëson si mënyrë fiktive për të mbuluar faktin e mospagimit të taksave.
Këtu, Gjata del në përfundimin, se Prela ka mbështetje të fortë nga pushteti.
PD kërkon që institucioni i Vetingut të mbajë të njëjtin standard, duke mos lejuar ndërhyrjet./K.Balliu/DRONI.al
https://www.facebook.com/partiademokratike/videos/236630003945215/?notif_id=1548412646971798¬if_t=live_video
