Duke komentuar protestën e studentëve ish-kryeministri Sali Berisha e ka cilësuar diktatoriale sjelljen e kryeministrit Edi Rama.
I ftuar në emisionin ‘Opinion’ Berisha tha se as Ramiz Alia e as Adil Çarçani nuk u sollën në këtë mënyrë siç po sillet Rama me studentët.
“Zotëri atë që bëri Rama nuk e bëri Ramiz Alia.
Ramiz Alia nuk i çoi kurrë uniformat në Universitet.
Edhe kur i takoi Adil Çarçani ajo vajza i tha unë nuk bëj fëmijë me këtë regjim, por Adil Çarçani nuk e nxori jashtë atë vajzë.
Ky pasi kreu pucin kalon nga një akt madhor antikushtetues në një tjetër akt madhor antikushtetues”, tha Berisha.
