Chris Brown vazhdon të qëndrojë në Paris, pasi policët e lanë atë të lirë. Këngëtari u arrestua pas akuzave të një modele se e kishte përdhunuar dhe dhunuar.
TMZ ka mësuar se këngëtari është në mes të xhirimit të një videoje muzikore. Ai u pa të mërkurën në një rrugë në Paris duke kërcyer me grupin e tij.
Chris po punon për një këngë të ardhshme të quajtur “Back to Love” – kështu që është shumë e rëndësishme të dalë mirë, për të ngritur numrin e shikuesve. Burimet thonë se përveç video, ai po punon edhe në një projekt tjetër me një studio.
Më parë gjatë ditës, Brown u pa publikisht për herë të parë që nga arrestimi i tij kur u largua nga Hotel Mandarin Oriental – i njëjti vend ku thuhet se ka ndodhur përdhunimi. Kur doli para mediave ai tha se kishte shumë dashuri për të gjithë.
Ai u arrestua të hënën natën nga policia franceze për akuzat e dhunshme dhe të narkotikëve, por u lirua po të njëjtën ditë pa kushte. Chris u lejua të mbante pasaportën e tij dhe të kthehej në shtëpi, por ai nuk e ka me ngut për të ikur.
Ai ka mohuar çdo akuzë dhe thotë se do të padisë akuzuesin e tij për shpifje.
DRONI.al
