Studentët vazhdojnë ende të protestojnë për të çuar deri në fund misionin e tyre, realizimin e kërkesave.
Pas bojkotit dhe ngujimit në godinat e fakulteteve, studentët janë rikthyer aty ku nisi gjithçka, para ministrisë së Arsimit. Pasi kanë qëndruar disa minuta, ata kanë marshuar drejt Kryeministrisë.
Këtë herë ata shprehen se do të jenë të vendosur deri në fund, deri në rrëzimin e ligjit për arsimin e lartë.
Gjithashtu, në rrjetet sociale, ata kanë shpërndarë njoftimin për ditën e enjte, ku do të vendosen para parlamentit për të protestuar.
