Është pezulluar nga detyra drejtori i burgut të Rrogozhinës, Ibrahim Bejo. Vendimi u mor me kërkesë të prokurorit të Kavajës, pasi ndaj tij kanë nisur hetimet pas një denoncimi nga SHÇKB e burgjeve.
Organi i akuzës kërkoi pezullim të Bejos nga detyra, me dyshimin se Bejo mund të prishë provat. Bejo po hetohet për shpërdorim detyere, nën akuzat e korrupsionit.
Institucioni i Ekzekutimit të Vendimeve Penale Rrogozhinë është vënë në funksion të plotë në shkurt të vitit 2002, ndërsa vlen të theksohet se drejtuesit e këtij burgu janë ndryshuar shumë shpesh.
Kujtojmë se IEVP Rrogozhinë është kategorizuar si burg i sigurisë së zakonshme me një seksion paraburgimi.
Bejo ishte zgjedhur në krye të këtij institucioni më janar të 2018-ës, ndërsa vendimi është marrë nga drejtori i Përgjithshëm i Burgjeve Stefan Çipa.
