Futbollisti i njohur Cristiano Ronaldo sapo ka firmosur një marrëveshje me një gjykatë në Madrid lidhur me akuzat për evazion fiskal, duke pranuar një gjobë prej 18.8 milion euro.
Marrëveshja, e miratuar paraprakisht, përfshin një dënim me burg prej 23 muajsh.
Por në Spanjë, të dënuarit zakonisht nuk futen në burg me dënim nën dy vjet. Vepra jo e dhunshme e Ronaldos do të thotë se ai nuk ka gjasa të futet në burg.
Seanca e gjykatës zgjati disa minuta, pasi Ronaldo e pranoi marrëveshjen e ofruar nga prokurorët.
Lojtari i tanishëm i Juventusit, i cili luajti për klubin në Itali një natë më parë, mbërriti me buzëqeshje në gjykatë.
Edhe pse kërkoi të evitonte gazetarët dhe kureshtarët e mbledhur aty për të, Ronaldo u përball me ta.
Gazetari Ruben Canizares ka postuar një video të futbollistit që mbërrin në gjykatën krahinore me të fejuarën e tij Georgina Rodriguez.
Así ha llegado Cristiano Ronaldo a la Audiencia Provincial. De la mano de Georgina, firmando autógrafos y sonriente: “Estoy perfecto” pic.twitter.com/zandMqqMGm
— Rubén Cañizares (@Ruben_Canizares) January 22, 2019
