Kuvendi i Shqipërisë do të mblidhet sot në orën 17:00 në seancën plenare, që shënon hapjen e Sesionit të IV të Legjislaturës së IX të Kuvendit të Shqipërisë.
Në këtë seancë do të bëhet votimi i dekretit të Presidentit për shkarkimin nga detyra të Ditmir Bushatit dhe emërimin në vend të tij të Kryeministrit Edi Rama, si Ministër për Europën dhe Punët e Jashtme.
Tashmë Rama do të votohet në Kuvend dhe me vonë do të jetë përballja e tij me Ilir Metën pas disa ‘sulmeve’ në distancë mes njëri tjetrit. Rama do të shkojë në Presidencë ku i duhet të betohet se do të kryejë detyrën me përkushtim.
