Partia Demokratike është shprehur se dorëzimi i Klement Balilit nuk është një hap i madh siç e konsideroi kryeministri, por sipas tij, ky është dorëzim i kontrolluar dhe në pakt me Ramën.
Nënkryetari i PD-së, Edi Paloka në një dalje për mediat tha se Rama po bën të njëjtën gjë si me ish-ministrin e Brendshëm, Saimir Tahirin.
”Edi Rama po zbaton të njëjtën skemë si me Saimir Tahirin, Dorëzim i kontrolluar, hetim sipërfaqësor. Për ish-ministrin e drogës, që la mandatin e ministrit u la në shtëpi, për t’iu përgatitur lirimi.
Edi Rama kontrollon hetimin e kësaj çështje. Gjatë gjithë kësaj kohë Balili ka patur mbështetjen e Ramës,. Ai ka jetuar në Sarandë. Kompania tij ka marrë 77 tendera nga qeveria e Edi Ramës. Të gjithë në Sarandë e dinë se konfiskimi i resortit luksoz është farsë. Propaganda nuk do ta ndihmojë që ta shesë këtë si sukses. Qeveria është në duart e një njeriu të vetëm”, tha ai.
https://www.facebook.com/partiademokratike/videos/402948400250218/
