Studentëve në Tiranë, u janë bashkuar edhe kolegët e tyre të ‘Aleksandër Xhuvanit’ në Elbasan dhe ‘Aleksandër Moisiu’ Durrës, të cilët janë ngujuar brenda fakulteteve të tyre.
DURRËS
Studentët e ‘Aleksandër Moisiut’ zhvilluan ditën e djeshme një takim brenda Universitetit, të thirrur nga disa anëtarë të Këshillit Studentor. Pas shumë diskutimeve, studentët referuan tek Këshilli Studentor problematikat që hasin në jetën e përditshme universitare.
Një ndër pikat kresore që u diskutua në takim ishte edhe qëndrimi që do të mbajnë studentët e UAMD-së, në lidhje me situatën e arsimit në përgjithësi dhe kërkesat që kanë tanimë studentët në mbarë vendin.
Në përfundim, studentët arritën në konkluzionin se rruga e veteme, që çon drejt plotësimit të 8 kërkesave, por më e rëndësishme, rrëzimi i Ligjit të Arsimit të Lartë është bojkoti i procesit mësimor.
Universiteti është i yni, dhe rezistencën sigurisht që do ta bëjmë brenda mjediseve të fakulteteve.
Duke filluar nga ora 07:00, ditën e martë studentët e UAMD-së do të qëndrojnë brenda mjediseve universitare, si kolegët tanë në pothuajse gjithë vendin.
https://www.facebook.com/SaliBerisha/videos/654196231645031/?t=9
Po ashtu dhe në Elbasan, ndonëse në numër më të pakët, rreth 20 studentë janë ngujuar brenda duke u shprehur se nuk do të lëvizin pa u plotësuar kërkesat e tyre.
