Kreu i grupit i LSI, Petrit Vasili, ka reaguar pas deklaratës së Ministres së Drejtësisë e cila hodhi poshtë lajmin e publikuar nga Zëri i Amerikës mbi rekrutimin e punonjësve në administratën e burgjeve.
Vasili përmes një postimi në Facebook shprehet se ‘këta flasin të gjithë si idiotë’
Reagimi i Petrit Vasilit:
Ore po a ka turp kjo Ministrja e Drejtësisë kur hedh poshtë akuzat për punësimet e partisë.
Apo kanë ikur të gjithë nga mëndët me keq se Edi Rama, që e ka gënjeshtrën mënyrë jetese.
Këta flasin të gjithë si idiotë.
Lexojeni vetë dhe gjykojeni vetë paturpësinë e këtyre, që është turp ti quash ministra.
Në përgjimet jo të opozitës, por të prokurorisë ja ç’thotë Arben Çuko ish-drejtor i Përgjithshëm i Burgjeve:
‘Ki parasysh që Lushnja nuk ka asnjë vend bosh, Fieri ka 20 vende dhe kanë sjellë 200 veta.
Testimi këtë herë u bë me 1358 veta dhe të gjithë ishin listat e partisë.’
Ja ç’thotë kjo ministrja e drejtësisë e Edi Ramës në garë për tu bërë më gënjeshtare se ai:
‘Hedh poshtë akuzat për emërime partiake në burgje. Procesi i punësimeve në burgje ka qenë dhe mbetet procesi më meritokratik. Procesi i punësimeve ka qenë u hapur transparent për të gjithë’.
