Presidenti Ilir Meta ka kthyer menjëherë përgjigje për reagimet e Ramës dhe pas vendimit të tij për të zënë postin e ministrit të Jashtëm, ndërkohë që Rama deklaroi se me presidentin do të përballet në Gjykatën e re Kushtetutese për shkeljet e tij.
“Jo më shtet fallso”, shkruan Ilir Meta ndaj kryeministrit Edi Rama .
Me një postim të shkurtër në rrjetet sociale Meta shkruan se presidenti është në krye të detyrës , ndërkohë që shton se e para për të është Kushtetuta dhe sundimi i ligjit.
“Presidenti në krye të punës. Për Presidentin e para është Kushtetuta dhe sundimi i ligjit.
NO MORE FAKE STATE. Shqipëria e para!
”– shkruan Meta.
Rama në një postim në Twitter shkruante se ai do të jetë ministër i Jashtëm.
“Presidenti s’e ka çdekretuar Ministrin e Jashtëm në afatin kushtetues. Shkelje e radhës që do ta ballafaqojmë bashkë me të tjerat në Gjykatën e re Kushtetuese. Deri atë ditë që vjen shumë shpejt,do të jem de jure në këtë rol sepse s’kemi kohë për të humbur në kërkim të Presidentit.”- shkruante Rama.
