VIDEO/LSI me rezolutë të re, Kryemadhi e vendosur: Nuk e tradhtojmë Shqipërinë

Lëvizja Socialiste për Integrim po zhvillon mbledhjen e Asamblesë Kombëtare në Pallatin e Sporteve në Tiranë.

Në fjalën e saj, kryetarja e LSI, Monika Kryemadhi, e ka nisur me një thirrje të qartë për të mos e tradhëtuar Shqipërinë.

“Partia jonë që e ka emrin LSI është ajo parti politike, e cila në asnjë moment nuk do të tradhtojnë gjakun e mijëra burrave dhe grave që dhanë për Shqipërinë tonë të pavarur dhe krenare. Kjo parti s’do të tradhtojë kurrë flamurin që valëvitet krenar dhe që qeveria e krimit kërkon t’i uli kokën” tha Kryemadhi.

Kryemadhi ka sqaruar se protesta e studentëve nuk ka anëtarë politikë, pasi ata janë fëmijët e shqiptarëve. Detyrimi politik sipas Kryemadhit ka mbaruar, tashmë është detyrimi kombëtar për të mbrojtur studentët dhe të gjithë ata që protestojnë kundër qeverisjes dhe taksave të larta.

LSI gjithashtu ka prezantuar rezolutën e saj për  zgjidhjen që ajo i ofron vendit, për të dalë nga keqqeverisja të cilën do ta votojë sot me të gjithë anëtarët.

DRONI.al

/DRONI.al/