Presidenti kërkon ngritjen e Komisionit Hetimor parlamentar për hetimin e veprimtarisë së Drejtorisë së Sigurimit të Informacioneve të Klasifikuara, DSIK
Kërkesa i është drejtuar kryetarit të parlamentit.
Ky hetim nis pas zbulimit se Gent Cakaj ka mbajtur postin e zv/ ministrit pa pasur një çertifikatë sigurie dhe DISK pajisi Cakajn me certifikatë sigurie brenda një dite.
“Vetëm më datën 3 janar 2019, moment ky që përkon me bërjen publike të propozimit të kryeministrit për emërimin e tij në postin e MEPJ (si dhe tre ditë para firmosjes së propozimit për dekretim si ministër të MEPJ-së ai ka plotësuar aplikimin për çertifikatë sigurie pranë kësaj ministrie dhe pse përmbushja e këtij detyrimi fillonte nga marrja e detyrëss si zv/ ministër i MEPJ-së.” thuhet në letren e presidentit Meta.
Më 3 janar 2019, Ministria e Jashtme e ka përcjellë aplikimin e z. Gent Cakaj pranë Drejtorisë së Sigurimit të Informacionit të Klasifikuar dhe kjo e fundit, e ka pajisur atë me certifikatat përkatëse të sigurisë 1 (një) ditë më pas më datë 04.01.2019. Pra rezulton se procesi i verifikimit, i kryer në këtë rast nga (DSIK) si Autoriteti i Sigurimit Kombëtar në Shqipëri është realizuar brenda 1 (një dite).
