Studentët vijojnë të protestojnë, dhe kjo nuk do të thotë domosdoshmërisht të qëndrojnë para godinës së Kryeministrisë.
Disa studentë kanë zgjedhur mënyra të tjera për të treguar pakënaqësinë dhe bojkotin.
Studentët e Juridikut kanë nxjerrë karriget jashtë në korridor duke bllokuar derën hyrëse kryesore. Ndërkohë që ata vetë, thonë se do të ngujohen brenda në Fakultet.
Studentët shprehen të vendosur për të kërkuar realizimin e 9 pikave, ndërsa nga ana e Kryeministrit kanë marrë përgjigje se ato do të përmbushen sipas afatave të përcaktuara tek Pakti i Universitetit, të cilin Rama e prezantoi pak para mbylljes së vitit 2018.
