Një reagim të fortë ka patur psikologia e njohur Denada Toçi pas video-skandalit të publikuar mbrëmë nga emisioni investigativ “Stop”.
Gjyqtari Roland Hysi i kërkon ryshfet dhe më pas seks gruas së divorcuar, e cila kërkon të marrë kujdestarinë.
Psikologia me anë të një postimi në rrjetet sociale e konsideron rastin tronditës dhe kërkon të merren masa urgjente ndaj gjyqtarit dhe psikologes po ashtu të përfshirë në këtë ngjarje.
“Kjo ngjarje është tronditëse dhe e neveritshme… të merren masa nga organet kompetente si në raport me gjyqtarin ashtu edhe me psikologen. I ftoj kolegët e mi, pjesë e këshillit të UP dhe presidenten që të reagojnë zyrtarisht duke thirrur një mbledhje urgjente mbi këtë skandal që cenon seriozisht figurën e psikologut. Të mblidhet komisioni etikës për të marrë një vendim ku Psikologes, t’i hiqet e drejta e ushtrimit të profesionit. Gjithashtu nga palët e prekura, të çohet për ndjekje penale”, shkruan psikologia.
