Kryetarja e LSI, Monika Kryemadhi sërish ka adresuar thirrje për t’iu bashkuar protestës së studentëve, ditën e nesërme.
Gjatë një takimi me Komitetin Drejtues te LRI në Elbasan, Kryemadhi u shpreh se protesta e studentëve nuk do ndalojë deri në plotësimin e 8 kërkesave. Kryetarja e LSI tha se nuk mund të mbahet dreqi brenda dhe se më mirë vendi është pa kryeministër se me Ramën kryeministër.
”Studentët nuk protestojnë vetëm për vete, por edhe për familjarët që sakrifikojnë për shkollimin e tyre. Dua që t’i shtrini dorën të gjithë të rinjve për të marrë pjesë në protestën e nesërme. Nuk ka të bëjë me thirrjen e LSI, por të një gruaje që lufton për fëmijët e vet, tha Kryemadhi.
Ajo vijoi të fajësojë kryeministrin Edi Rama për gjendjen aktuale, duke deklaruar se e keqja e vendit është PS.
https://www.facebook.com/KryemadhiMonika/videos/308358969795524/?t=539
